“Fluturon” çmimi i blerjes së energjisë – Shpenzohen 4.8 milion euro për korrikun, çmimi mesatar arriti në 106 euro/mwh
Ardhja e verës dhe mungesa e rreshjeve të shiut kanë rikthyer blerjet e energjisë elektrike nga Furnizuesi i Tregut të Lirë, që është nga kompanitë e krijuara nga ndarja e Operatorit të Shpërndarjes së Energjisë Elektrike. Sipas të dhënave zyrtare, për muajin korrik FTL ka shpenzuar rreth 4.8 mln euro për blerjen e energjisë, ndërkohë që krahasuar me korrikun e vitit të kaluar ka një rritje me 1.8 mln euro të shpenzimeve. Kjo pasi, në korrik të vitit 2020 blerja e energjisë për korrikun kushtoi rreth 3 mln euro. Rritja e këtyre shpenzimeve duket se ndikohet nga çmimi i lartë me të cilin është siguruar energjia sivjet. Sipas të dhënave zyrtare, çmimi mesatar me të cilin u ble energjia për korrikun është rreth 106 euro/ Mwh, teksa në disa procedura blerjesh u pagua edhe 134.91 euro/ Mëh apo 129.95 euro/Mwh. Në krahasim me korrikun e vitit të kaluar ky çmim është shumëfish më i lartë, duke qenë se vitin e kaluar energjia e blerë për korrikun kushtoi mesatarisht 40.85 euro/Mwh. Ndërkaq, Furnizuesi i Tregut të Lirë ka hapur edhe një procedurë për blerejne e nergjisë për muajin gusht. Faturat e kripura për blerjen e energjisë reflektojnë uljen e prodhimit të energjisë për shkak të situatës jo të favorshme hidrike, ndërsa nxjerrin edhe një herë në pah nevojën që ka vendi ynë për diversifikimin e burimeve të prodhimit të energjisë apo thënë ndryshe prodhimine energjisë, jo vetëm nga hidorecentralet, por edhe nga impiantet diellore, ato të erës, etj.
ÇMIMI MESATAR I BLERJES SË ENERGJISË
KORRIK 2020 40.85 euro/ Mwh
KORRIK 2021 106 euro/ Mwh
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.