Forumi Ministerial BE-Ballkani Perëndimor për çështjet e drejtësisë – Gjonaj: Zhvillohet në tetor në Tiranë
Forumi Ministerial BE-Ballkani Perëndimor për çështjet e drejtësisë dhe sigurisë do të organizohet në Tiranë në Tetor të këtij viti. Lajmin e ka bërë të ditur ministrja e Drejtësisë, Etilda Gjonaj, gjatë takimit zyrtar zyrtar me homologun austriak , Josef Moser në Alpbach të Austrisë.
“Homologu austriak vlerësoi nismat e Shqipërisë për reformimin e sistemit të drejtësisë dhe luftën kundër korrupsionit dhe theksoi se përzgjedhja e Shqipërisë si vendi organizator për Forumit Ministerial BE – Ballkani Perendimor për çështjet e drejtësisë dhe sigurisë që do të organizohet në Tiranë në Tetor 2018, është tregues i mbështetjes dhe vlerësimit që Austria i jep Shqipërisë”, shkruan Gjonaj.
Ministrat hapën së bashku edhe punimet e Simpoziumit ligjor Albpach 2018, një prej evenimenteve më të rëndësishme në fushën e drejtësisë. Reforma në Drejtësi si dhe bashkëpunimi i deritanishëm i dy vendeve ishte edhe fokusi i pjesës së parë të këtij Simpoziumi.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.