Franca dëshiron të ndryshojë rregullat për zgjerimin – Propozon një proces pranimi me shtatë faza
Pas vendimit francez për të bllokuar bisedimet e pranimit në BE me Shqipërinë dhe Maqedoninë e Veriut, Franca propozon të ndryshojë politikën e zgjerimit.
Në një letër jo të përbashkët me vendet anëtare të BE-së, qeveria e Emmanuel Macron propozon një zhvendosje nga një proces pranimi me shtatë faza.
Procesi do të thoshte konvergjencë me normat dhe standardet e BE-së dhe nuk do të ishte i njëanshëm. Nëse qeveria e një vendi kandidat zvarritet, BE mund të kthejë procesin në fazën e mëparshme.
Ideja e “fazave” do të nënkuptojë se reformat do të jenë kohezive dhe të ndërlidhura me tematikë dhe jo të shpërndara në drejtime të ndryshme të politikave.
Propozimi francez parashikon zgjerimin e mundësive që shtetet kandidate të marrin pjesë në politikat sektoriale të BE-së ndërsa ato përparojnë, të kompletuara me instrumente financiare të synuara.
Propozimi francez thuhet se është produkt i konsultimit me Gjermaninë, Holandën dhe Danimarkën. Por nuk dihet nëse ky është një propozim për t’i dhënë fund zgjerimit apo një përpjekje e sinqertë për ta bërë procesin e pranimit më efektiv në arritjen e konvergjencës.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.