Franca e Spanja, thirrje për çmimet e energjisë – “Duhet një reagim i koordinuar europian për të mbrojtur konsumatorët”

Franca dhe Spanja bënë thirrje në nisje të Javës për një reagim të koordinuar europian ndaj rritjes botërore të çmimeve të energjisë, për të mbrojtur qytetarët e varfër dhe konkurrueshmërinë e kompanive, ndërkohë që ruhen edhe planet ambicioze të Europës për emetime zero të karbonit deri në vitin 2050.

Çmimi i gazit në Bashkimin Europian është rritur në nivele rekord të larta, ndërkohë që furnitori kryesor i gazit në rajon, Rusia, ka shtrënguar dërgesat, ç’ka sinjalizon presione të mëtejshme të çmimeve tek konsumatorët europian, që po i drejtohen Dimrit.  Ministrja spanjolle e Financave, Nadia Calvino, pasi hyri në mbledhjen e Eurogrupit, tha se duhet një përgjigje e koordinuar europiane dhe se vendi isaj ka përgatitur një dokument me opsionet e mundshme.

“Ajo që shohim është një rritje e jashtëzakonshme e çmimeve të energjisë, që vjen për arsye të ndryshme, por që lidhet edhe me evolucionin e çmimeve të energjisë dhe tregjeve ndërkombetarë.  KJo nuk është një çështje që trajtohet në nivel kombëtar, por na duhet një përgjigje e koordionuar europiane dhe ne kemi ofruar një letër të gjatë me propozime të ndryshme. “

 Ministrja spanjolle tha se një prej propozimeve është krijimi i një rezerve strategjike europiane të gazit, që do të ndihmojë 27 vendet me 450 milionë konsumatorë, që të negociojnë çmime më të ulëta se sa blerjet individuale.    Spanja kërkon gjithashtu të shohë progres në ndalimin e spekulimeve në treg për lejet e emetimit të CO2, që ka rritur çmimet.  Minsitri francez i Financave, Bruno le Maire, dha komente të ngjashme, duke thënë se do propozojë rregullore më të mira për inventarët e gazit në Europë dhe shkëputjen e çmimit të energjisë elektrike me atë të gazit, në favor për ta lidhur me koston mesatare të prodhimit në çdo vend të BE.

“Për disa vite, jo muaj, por vite, ne do përballemi me rritje të çmimeve, për shkak se ka nevojë për më shumë energji elektrike dhe ekziston lidhja mes çmimit të energjisë elektrike dhe të gazit.   Ekziston gjithashtu nevoja për më shumë investime në energji të rinovueshme, mbase dhe impiante bërthamore. “

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.