Frika nga përhapja e variantit Delta / Në Francë diskutohet vaksinimi i detyrueshëm i bluzave të bardha
Varianti shumë ngjitës Delta i COVID-19 mund të regjistrojë rritje të rasteve të reja të koronavirusit në Francë nga kjo fundjavë, tha Olivier Veran, Ministër i Shëndetësisë.
Veran, i cili ka thënë se një valë e katërt e infeksioneve mund të godasë Francën që në fund të korrikut dhe po nxit sa më shumë francezë që të vaksinohen, tha se varianti Delta tani shënon gati 50% të infeksioneve të reja COVID-19 .
Qeveria franceze do të mblidhet të hënën për të diskutuar kërcënimin e një vale të katërt dhe po shqyrton të gjithë skenarët e mundshëm, përfshirë vaksinimin e detyrueshëm për punonjësit e shëndetësisë.
Veran, i cili u takua me përfaqësuesit e bluzave të bardha më herët këtë javë, tha se po arrihej një konsensus në vend për të bërë të detyrueshëm vaksinimin për punonjësit shëndetësorë, megjithëse ende nuk ishte marrë ndonjë vendim.
Organi më i lartë këshillimor shkencor i qeverisë gjatë krizës COVID gjithashtu mbështet bërjen e detyrueshme të vaksinimeve për punonjësit shëndetësorë.
Nga një mesatare shtatë ditore prej më shumë se 42,000 infeksione të reja në ditë në mes të Prillit, shkalla e infeksionit kishte rënë në pak më shumë se 1,800 në fund të Qershorit. Por që atëherë trendi është përmbysur dhe numri i rasteve të reja ditore tani është përsëri mbi 4,000.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.