Fundi i 16 viteve në pushtet të Merkel – Kancelarja pranon sfidat më të mëdha: refugjatët dhe pandeminë
Pranë përfundimit të madatit të saj 16-vjeçar, Angela Merkel, zhvilloi një intervistë me drejtorin e lajmeve të Deutsche Welle, Max Hofmann, në Kancelarinë në Berlin, ku foli edhe për sfidat e saj më të mëdha gjatë detyrës së saj. Kancelares nuk i’u desh shumë për të thënë se 2 sfidat më të vështira ishin; fluksi i refugjatëve në Gjermani në vitin 2015 dhe lufta kundër pandemisë. “Dy eventet që personalisht i mendoj më sfidueset, ishin, fillimisht, numri i madh i refugjatëve që mbërritën në 2015-n, që nuk dua ta quaj krizë, pasi njerëzit janë njerëz.
Dhe tani, pandemia e Covid-19, pasi ishin momente ku pamë se si njerëzit u ndikuan në mënyrë direkte”- tha Merkel. Kancelarja shtoi se Bashkimi Europian duhet ende të gjejë një “sistem të përbashkët për trajtimin e azilit dhe emigrimit” dhe të krijojë një “ekulibër vetë-rregullues mes vendeve të origjinës dhe atyre ku refugjatët mbërrijnë fillimisht”. Ndërsa pyetej mbi etiketimin si “makineri e kompromisit” në konferencën e fundit të BE në Tetor, merkel tha se nuk është një makienri, por një qënie njerëzore. Në lidhje me problemet e vazhdueshme mbi ndryshimin klimatik, kancelrja tha së është bërë progres, por jo i mjaftueshëm. Merkel, që ka qenë minisre e Mjedisit, përpara se të bëhej kancelare, tha se hapat kanëqenë të shpejtë, por situata nuk ka qenë ndonjëherë më keq se tani.
Në samitin e G20 në Itali, Merkel është shfaqur në takime me pasardhësin e mundshëm, Olaf Scholz, që është ministër i Financave në qeverinë ende në detyrë. Scholz po negocion për të formuar një qeveri të re me të gjelbrit dhe demokratët e lirë. Merkel tha se gjatë ditëve në Itali, ishte e rëndësishme të lihej përshtypja që “kancelarja aktuale dhe i ardhshmi, të kenë një marrëdhënie të mirë. “Kjo jep një sinjal sigurues në një botë të trazuar”- tha Merkel. Në fund, kancelarja u pyet për imagjinimin e dikujt tjetër në kancelari pas 16 vitesh në pushtet. “Do të mësoheni edhe me këtë”- tha Merkel, duke buzëqeshur.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.