Gara për Komisionin e Reformës – Vishaj: Vetting-u zbuloi magjistratë me precedentë të rëndë
Komisioni Parlamentar i Ligjeve ka thirrur të hënën 9 kandidatët për anëtarë të Komisionit të Pavarur për koordinimin, monitorimin dhe ndjekjen e zbatimit të ligjit “Për organet e qeverisjes së sistemit të drejtësisë”. Kandidatët paraqitën para deputetëve përvojat e tyre profesionale dhe veçanërisht njohjen me reformën në drejtësi e organet e saj.
Ndër emrat më të njohur të kandidatëve ishte ai i Avokatit Saimir Vishaj, i cili foli me gjuhë mjaft të ashpër ndaj magjistratëve me probleme të rënda me drejtësinë, të shkarkuar nga Vetting-u.
Komisionit të Pavarur për koordinimin, monitorimin dhe ndjekjen e zbatimit të ligjit “Për organet e qeverisjes së sistemit të drejtësisë do të përbëhet nga 5 anëtarë dhe do operojë me kohë të pjesshme.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.