Gjermania po “marshon” – Morali i konsumatorit pranë nivelit më të lartë në 16 vite

Gjermania nuk rresht së surprizuari. Të dhënat e fundit tregojnë se, morali i konsumatorit gjerman ka prekur nivelin më të lartë në 16 vite. Indeksi i ndjeshmërisë së konsumatorit u rrit kështu në 10.8 pikë, nga 10.6 pikë që ishte një muaj më parë.

Niveli prej 10.8 pikësh është më i larti që prej Tetorit të vitit 2001. Të dhënat rezultojnë gjithashtu mbi pritshmëritë. Ekspertët argumentojnë se, konsumatorët gjermanë janë të bindur se ekonomia e vendit të tyre po operon me të gjithë cilindrat.

Pritshmëritë e tyre janë rritur si për të ardhmen e ekonomisë ashtu edhe për të ardhurat e tyre. Ky lexim vjen vetëm dy ditë pas të dhënave të klimës së biznesit që tregonin se, sipërmarrësit gjermanë kanë besimin më të lartë te e ardhmja e ekonomisë që prej ribashkimit të dy Gjermanive.

Pra, nuk janë vetëm biznesmenët që besojnë se ekonomia gjermane do të vazhdojë të marshojë, por edhe konsumatorët, çka përligj atë që tashmë duket se është fakt; Gjermania nuk di më të ndalet. Pritshëmritë e konsumatorëve marrin shtysë kryesisht nga tregu mjaft i fortë i punës, pranë kapacitetit të plotë

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.