Gjiknuri në takimin me FIAA: Bashkëpunim dhe mbështetje për biznesin për të mundësuar zbatimin e kontratave
Ministri i Infrastrukturës dhe Energjisë Damian Gjiknuri mori pjesë në takimin e organizuar nga Shoqata e Investitorëve të Huaj në Shqipëri (FIAA).
Ai u ndal te investimet e huaja në Shqipëri, duke argumentuar se së pari duhet të trajtojmë investitorët aktualë në mënyrë që të thithim investime të reja. Ai e cilësoi absorbimin e këtyre investimeve të vështirë dhe kompleks.
“Sepse e kam thënë është shumë e lehtë të nënshkruash një kontratë, por është shumë e vështirë implementimi i saj, sidomos implementimi i kontratave komplekse që përfshijnë punë civile, marrëdhënie me njerëz, impakte sociale, leje e shumë elementë të tjera, janë shumë të vështira dhe kërkojnë vërtetë vëmendjen e qeverisë.”
Ndërsa garantoi mbështetje për investitorët, Gjiknuri tha se duhet të ketë një treg të qëndrueshëm në mënyrë që një investim të jetë i qëndrueshëm.
Në mbyllje, ai tha se përveç investimeve në fushën e energjisë, Shqipëria ka mundësi të mëdha për investime edhe në shumë fusha të tjera, si për shembull në fushën e transportit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.