Gjobat për shkeljen e rregullave të qarkullimit – Në Finlandë, përllogariten bazuar mbi të ardhurat e drejtuesve të mjeteve
Rreth 3400 njerëz vdesin çdo ditë në aksidente rrugore, duke çuar në rreth 1.25 milionë vdekje në nivel botëror çdo vit. Një e treta e këtyre vdekjeve shkaktohen nga shpejtësia, sipas Organizatës Botërore të Shëndetësisë. Për të ulur numrin e aksidenteve rrugore, disa vende po vijnë me mënyra inovative për të ndaluar shpejtësinë e madhe me të cilin lëvizin drejtuesit e mjeteve.
Finlanda po ndjek një metodologji për vënien e gjobave ditore që përllogaritet në bazë të të ardhurave të drejtuesit të mjetit që udhëton me shpejtësi mbi normat e lejuara. Sa më e lartë të jetë shpejtësia mbi normën e lejuar e një shoferi, aq më i madh është numri i gjobave ditore që do të marrin.
Finlanda nuk është i vetmi vend që aplikon të ashtuquajturin ‘dënim progresiv’ për gjobat e shpejtësisë. Zvicra, po ashtu përdor një sistem të ngjashëm dhe aktualisht mban rekordin botëror për gjoba. Britania e Madhe është një tjetër vend e cila vendosi masa të ashpra për shpejtësinë ën vitin 2017. Shoferët u gjobitën deri në 175% të të ardhurave të tyre javore, varësisht ashpërsisë së veprës së kryer. Megjithatë, gjoba është e kufizuar në 2500 paund.
Ndërsa vendet europiane udhëheqin për gjoba të larta të shpejtësisë, ato po ashtu ‘praktikojnë’ edhe sekuestrimin e makinave si dhe burgosjen e shoferëve kur shkelin në mënyrë të përsëritur limitin e shpejtësisë. Kjo ndodh në vende si Francë, Finlandë, Spanjë dhe Gjermani.
Përtej gjobave
Ndërkohë që ndëshkimi është mekanizmi që shumica e vendeve përdorin për të dekurajuar shpejtësinë, disa vende të tjera po eksplorojnë mënyra më pozitive për të mbrojtur përdoruesit e rrugëve. Si pjesë e një misioni për të arritur zëro vdekje nga aksidentet rrugore deri në vitin 2020, Suedia përforcoi ligjet e saj të drejtimit dhe përmirësoi infrastrukturën rrugore.
Në këtë mënyrë, Suedia ka ndërtuar më shumë rrethrroturllime dhe automjete nuk mund të kthehen aty ku kalojnë këmbësorët. Ndërkohë, në Britaninë e Madhe njerëzit po përdorin teknologjinë për të inkurajuar sjellje të përgjegjshme të drejtuesve të mjeteve. Sistemet e telematikës, të njohur ndryshe si regjistruesit e kutive të zeza, mund të instalohen në automjete për të monitorues drejtuesit e mjeteve.
Ata janë planifikuar kryesisht për shoferët e rinj, grupmosha e cila zakonisht përballet me primet më të larta të sigurimit. Duke pasur një kuti të zezë të instaluar pa pagesë, siguruesit ofrojnë zbritje në primet e tyre të sigurimit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.