Hahn viziton të hënën Kosovën – “Do të kërkojë revokimin e taksave 100% ndaj mallrave serbe”
Komisioneri për Zgjerimin në Bashkimin Europian Johannes Hahn do të vizitojë Kosovën më 3 dhjetor
Në fokus kryesor të vizitës së tij do të jetë vendimi i fundit i qeverisë së Kosovës për të vendosur tarifa 100% për mallrat nga Serbia dhe Bosnja dhe Hercegovina.
“Ai do të përsërisë qëndrimin e BE-së duke bërë thirrje për revokimin e këtij vendimi dhe nënvizon nevojën për t’u përqendruar në përmirësimin e marrëdhënieve të mira fqinjësore dhe bashkëpunimit rajonal, parimeve që Kosova dhe të gjithë partnerët e Ballkanit Perëndimor kanë zotuar”, shkruan EWB.
Komisioneri do të takohet me Presidentin Thaçi, Kryetarin e Kuvendit Veseli, anëtarët e qeverisë përfshirë Kryeministrin Haradinaj, si dhe anëtarët e opozitës.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.