Hapet gara për Teatrin Kombëtar – Mazhoranca pranoi dekretin e presidentit, miraton ndërhyrjet në ligj

Mazhoranca ka  pranuar dekretin e presidentit Ilir Meta  për ndryshimet në ligjin për teatrin kombëtar.  Vetëm me votat  e saj  kjo mazhorancë votoi pro variantin e ri përmes ndërhyrjeve në disa nene  në komisionin e  veprimtarisë prodhuese, gjë e cila solli tension mes  palëve politike .

Pasi theu bojkotin , opozita  kundërshtoi fort  duke kërkuar rrëzimin e ligjit.

Por  për kreun e komisionit të veprimtarisë prodhuese, Eduard Shalsi, asngjë nuk është bërë në kundërshtim me procedurën parlamentare Shalsi shtoi se në ligj është ndryshuar ajo pikë që u kërkua nga Brukseli dhe parlamenti, për hapjen e garës ku tashmë  mund të marrin pjesë të gjithë  subjektet e interesuara  për të paraqitur propozimet për teatrin e ri kombëtar.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.