Historitë gjithëpërfshirëse në realitetin virtual ‘pushtojnë’ audiencat në “Tribeca Film Festival”
Realiteti virtual është kthyer në një pjesë të rëndësishme të Festivalit të Filmit në Tribeca, i cili mbledh artistë të rinj me filma me buxhet të pavarur.
Çdo vit, festivali përmbledh një larmi historish interaktive në një dhomë të vogël, të ndriçuar pak, të quajtur “Tribeca Immersive . Realiteti virtual bërë debutimin e tij në vitin 2016 dhe u bë menjëherë një nga të preferuarit e publikut.
Këtë vit, eksperiencat në VR nuk përdoren thjesht syze, por edhe peizazhe, pemë, një krevat, skenografi të ndryshme dhe madje edhe përqafime të vërteta, për ta bërë shikuesin të lidhet vërtet me historinë.
Të ndara në kabina, secila e personalizuar sipas filmit ose dokumentarit, filmat mund të shihen nga të gjithë vizitorët.
“Pema” të lejon të përjetosh para teje në një pyll tropikal rritjen e një peme, nga fara.
“Të shndërruarit në një të pastrehë: Një eksperiencë njerëzore” është konceptuar si një projekt që do të ndryshojë mënyrën se si mendojmë për të pastrehët duke vendosur shikuesin në vendin e atyre që e përjetojnë vërtetë këtë gjë.
“Blackout” është një film i shkurtër, ngjarjet e të cilit zhvillohen në një metro në New York, kështu që të ftuarit janë të ulur në një mjedis të ngjashëm.
“Remember, Remember” tregon një histori dashurie të vendosur në kontekstin e një pushtimi alien.
“Alteration” është e përshkruar si një udhëtim poetik në të ardhmen dhe përfshin një studim ëndrrash, inteligjencë artificiale vampirike, dhe seks.
“Unrest” lejon përdoruesin të bëjë një udhëtim në botën e të sëmurëve kronikë dhe atyre me aftësi të kufizuara.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.