I dërguari i BE i kërkon Kosovës të rinisë bisedimet me Serbinë – Lajcak: “Presim vazhdimin e procesit të dialogut”
I dërguari special i Bashkimit Europian i bëri thirrje Kosovës dhe Serbisë të rinisin bisedimet mbi normalizimin e lidhjeve të tyre.
Miroslav Lajcak është në një vizitë tre-ditore në Prishtinë, kryeqytetin e Kosovës, para se të shkojë në Beograd, kryeqyteti i Serbisë.
Blloku dhe Shtetet e Bashkuara “presin vazhdimin e procesit të dialogut” i cili “merret me çështje që janë të rëndësishme për çdo qytetar të Kosovës dhe, natyrisht, është e pashmangshme për rrugën europiane të Kosovës”.
Pas një samiti të Shtëpisë së Bardhë dhe bisedimeve në Bruksel në shtator, dialogu midis Serbisë dhe Kosovës ka ngecur.
Lajcak të hënën kishte “një takim konstruktiv” me Albin Kurti, i cili pritet të bëhet kryeministri i ri i Kosovës pasi Partia e tij e Lëvizjes Vetëvendosje fitoi zgjedhjet parlamentare të 14 shkurtit.
Dialogu mund të përmbyllet në muaj nëse Prishtina dhe Beogradi do të ishin të gatshëm, tha Lajcak në një konferencë shtypi pas takimit me Presidenten e përkohshëme Vjosa Osmani.
“Ne patjetër nuk kemi nevojë për 10 vjet të tjera, as pesë vjet, madje as tre vjet, nëse ka angazhim, nëse ka gatishmëri të palëve”, tha ai.
Për Osmanin, qëllimi përfundimtar i dialogut do të ishte anëtarësimi i Kosovës dhe i Serbisë në BE.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.