Investimet në ujësjellës – Balluku: Kemi 200 kantierë të hapur, qytetarët të paguajnë faturat

55 zona urbane dhe 200 zona rurale pritet të furnizohen me ujë të pijshëm 24 orë, deri në fund të vitit 2021”. Deklarata u bë nga ministrja e Infrastrukturës dhe Energjisë, Belinda Balluku gjatë një interpelance me banorët e Kukësit, e cila iu referuar investimeve që po kryhen në këtë drejtim me fondet e qeverisë shqiptare, por edhe me mbështetjen e partnerëve europianë.

Ndërkaq, Balluku iu bëri thirrje qytetarëve të pagujanë faturat e ujit, si dhe të mos dëmtojnë rrjetet e rinj të ujësjellës-kanalizimeve.

Apeli i ministers vjen pak kohë pas publikimit të Raportit të Entit Rregullator të Ujit për vitin 2020, ku konstatohej një rënie e normës së arkëtimeve nga ana e ujësjellës-kanalizimeve.  Sipas raportit, “Norma e Arkëtimit” si një nga treguesit më të rëndësishëm, që lidhet me qëndrueshmërinë financiare dhe me aftësinë paguese të shoqërive të ujësjellësve, u ul në76.8 % nga 79.8% që ishte në vitin 2019. Përkeqësim pati edhe në disa tregues të tjerë, ndërkohë sipas ERRU-së, përgjithësisht përkeqësimi i gjendjes së sektorit shpjegohet me pasojat nga pandemia COVID 19, si dhe vazhdimësinë e atyre të tërmetit të 26 nëntorit.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.