Italia e karantinuar në prag të një recesioni ekonomik, shprehen analistët

Italia ka vendosur kufizime gjithëpërfshirëse mbarëkombëtare për udhëtimin dhe jetën publike, një përpjekje e dëshpëruar për të përmirësuar shpërthimin e koronavirusit, i cili duket se do të zhysë ekonominë e tetë më të madhe në botë në një recesion.

Të marra së bashku, masat e pashembullta ka të ngjarë të shtyjnë një ekonomi që po çalonte në tre muajt e fundit të vitit 2019 ,në një rënie më të mprehtë që do të vendosë hotelet italiane, kompanitë e udhëtimit dhe restorantet nën një presion të fortë.

Jack Allen-Reynolds, ekonomist i Evropës në Capital Economy, tha se ekonomia e Italisë do të kontraktohet ashpër në gjysmën e parë të vitit edhe nëse kufizimet hiqen në fund të muajit prill, PBB do të bjerë rreth 2% për të gjithë vitin 2020.

Goditja ndaj PBB-së do të jetë “shumë më e madhe” nëse kufizimet zgjaten deri në fund të qershorit, shtoi ai.

Ekonomistët në Goldman Sachs presin që kufizimet të presin 1,5 pikë përqindjeje nga rritja ekonomike italiane në tremujorin e parë dhe të dytë të vitit.

Sektorët më të prekur nga bllokimi, përfshirë transportin, artin dhe argëtimin, shitjen me pakicë, dhe hotelet dhe restorantet, përbëjnë rreth 23% të PBB-së italiane, sipas Goldman Sachs.

Ndërkohë që qeveria italiane dhe Banka Qendrore po punojnë për një plan masash, përfshirë dhe shtyrjen e pagesave ndaj kredive, analistët shprehen se një recesion për Italinë është i pashmangshëm.

Dosti Banushi – SCAN

Burimi: CNN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.