Italia ringjall mosmarrëveshjen kufitare me Francën mbi Malin e Bardhë
Italia ka ringjallur një mosmarrëveshje me Francën mbi të drejtat e kufirit të Malit të Bardhë, pasi autoritetet franceze vendosën masa që shkelnin në territorin italian.
Luigi Di Maio, ministri i jashtëm italian, i cili në të kaluarën ka nxitur tensione me Francën për çështje të tjera, tha se ai kishte shkruar një letër zyrtare ankese për qeverinë franceze përmes ambasadës italiane në Paris duke shprehur “zhgënjimin e tij të fortë” për ” ndërhyrje ”në majën më të lartë Alpine.
Mosmarrëveshja filloi në tetor të vitit të kaluar pasi autoritetet lokale në Chamonix, Les Houches dhe Saint-Gervais-les-Bains ngritën një zonë të mbrojtjes natyrore me qëllim për të parandaluar mbipopullimin e turistëve.
Sidoqoftë, zona e synuar prek një zonë në akullnajën Gigante, e cila shtrihet nën të famshmin Rifugio Torino dhe është përcaktua nga një traktat i nënshkruar në 1860 si pjesë e Italisë.
Di Maio u shty për të ndërhyrë pasi një deputet i ekstremit të djathtë Vëllezërit e Italisë ngriti pyetje në parlament lidhur me shqetësimet se francezët po përpiqeshin të monopolizonin destinacionin e pushimeve.
Matteo Salvini, kreu i partisë së ekstremit të djathtë të Lidhjes, gjithashtu u fut në debat, duke thënë: “Ne thjesht kemi nevojë që kufijtë kombëtarë të respektohen në Malin e Bardhë”.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.