“Jashtë kontrollit” – Liderët europianë ‘përplasen’ për kontrollin e valës së dytë të COVID – 19. Gjendje të jashtëzakonshme dhe bllokime

Liderët europianë po përpiqen të kontrollojnë përhapjen e infeksionit nga COVID – 19 në rajon, me qeveritë që vendosin sërish kufizime dhe mbyllje gjithëpërfshirëse, në një përpjekje për të frenuar agravimin e gjendjes.

Situata ka arritur në një pikë ku në 24 orët e fundit, Franca ka shpallur gjendje të jashtëzakonshme, Mbretëria e Bashkuar po i afrohet një bllokimi të dytë kombëtar dhe Gjermania ka futur një sërë rregullash të reja në një përpjekje për të ulur infeksionin.

Sipas Organizatës Botërore të Shëndetit, aktualisht Europa ka mbi 7.2 milionë raste të konfirmuara të virusit dhe shtrimet në spital po rriten me një shkallë shqetësuese.

Ekonomisti i Pantheon Macroeconomics, Ian Shepherdson, të martën i cilësoi rastet në rritje në Europë si “jashtë kontrollit”, edhe kur krahasohet me Shtetet e Bashkuara, kombi me numrin më të lartë të rasteve.

Gjendja e jashtëzakonshme

Qeveria Franceze shpalli gjendjen e jashtëzakonshme shëndetësore, ndërsa vendi pati më shumë se 9.100 shtrime në spital nga Covid-19, për herë të parë që nga data 25 qershor. Sipas të dhënave të shëndetit publik, rastet e reja të konfirmuara të koronavirusit në Francë arritën në 22.591 të Mërkurën, nga 12.993 raste të një ditë më parë.

Presidenti francez Emmanuel Macron njoftoi më vonë të mërkurën se nëntë nga qytetet më të mëdha të vendit, përfshirë Parisin, do të duhet të respektojnë një shtetrrethim nga ora 9 e pasdites. deri në 6 të mëngjesit. Kjo fillon të shtunën dhe do të zgjasë për katër javë.

Gjermania ashpërson rregullat

Gjermania ka njoftuar gjithashtu rregulla të reja pasi Kancelarja Angela Merkel u takua me udhëheqësit rajonalë të Mërkurën për të diskutuar rritje të infeksionit në zona të ndryshme të vendit.

Duke përmbledhur kriteret komplekse të masave, ekonomisti Greg Fuzesi nga JPMorgan tha se komunat tani pritet të forcojnë kufizimet nëse infeksionet e reja tejkalojnë 35 për 100.000 banorë brenda shtatë ditësh. Në këtë rast, tubimet private duhet të kufizohen në 25 në hapësira publike dhe 15 në hapësira private, tha ai në një shënim të enjten dhe shtetet duhet të “zbatojnë kërkesa shtesë për mbajtjen e maskave, për të parandaluar mbylljen e bareve,restorante dhe vendosjen e kufizimeve të aktiviteteve sociale. ”

Nëse infeksionet e reja tejkalojnë 50 për 100.000 banorë gjatë shtatë ditëve, komunat pritet të kufizojnë grupimet shoqërore në 10 persona dhe do kufizojnë restorantet dhe baret, duke i lejuar ushtrimin e aktivitetit deri në orën 23:00.

Infeksionet po rriten në Gjermani në një masë të tillë që Shepherdson tha se vendi kishte “humbur kontrollin e rasteve të Covid – 19”. Infeksionet e reja ditore arritën në 5.000 në fillim të kësaj jave dhe organi i shëndetit publik, Instituti Robert Koch, raportoi të enjten 6.638 raste të reja.

Mbretëria e Bashkuar konsideron bllokimin e dytë

Qeveria e Mbretërisë së Bashkuar prezantoi një sistem të ri të nivelit të alarmit Covid-19 në fillim të kësaj jave, me qytetin e Liverpoolit dhe zonat e tij periferike të përcaktuara si rrezik “shumë të lartë” dhe të vendosur nën një bllokim të rreptë lokal.

Familjet në zonë nuk lejohen të grumbullohen, brenda apo jashtë dhe palestrat, qendrat e kohës së lirë, dyqanet e basteve dhe kazinotë janë të mbyllura. Pub-et dhe baret duhet të mbyllen gjithashtu, përveç nëse shërbejnë ushqim.

Masat më të rrepta tani mund të zgjerohen në pjesë të tjera të Anglisë Veriore, përfshirë Mançesterin. Kryebashkiaku i qytetit, Andy Burnham, tha se do të takohej me ekipin e Kryeministrit Boris Johnson të enjten në mëngjes për të diskutuar se çfarë do të bëjë më tej.

Gjithashtu pritet gjerësisht që Londra të kalojë në valën e dytë, ose një nivel rreziku “të lartë”.

Johnson është “nën presion” për të shkuar më tej me frenimin e  përhapjen e virusit, me këshilltarët shkencorë të qeverisë që avokojnë për një bllokim të dytë kombëtar, megjithëse është një mbyllje më e shkurtër, dy javore, për të vepruar si një “ndërprerës qark” për përhapjen e COVID – 19 Mbretëria e Bashkuar raportoi 19.724 raste të reja të mërkurën, nga 17,234 të martën.

Burimi origjinal: CNBC

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.