Jeni mërzitur nga mesazhet e shumta në grupet e WhatsApp? – Opsioni më i ri ju ofron një zgjidhje

WhatsApp është një nga aplikacionet më të përdorur për sa i përket komunikimit. Ai përdoret jo vetëm për biseda private por edhe për ato në grup, të tilla si sociale, personale dhe profesionale.

Me opsionin më të ri që ka lancuar WhatsApp i ka dhënë administratorëve të grupeve më shumë kompetenca ku ata do të jenë në gjendje të kufizojnë të gjithë anëtarët e tjerë nga dërgimi i teksteve, fotografive, dhe gjithçkaje tjetër në rast se ata mendojnë kështu.

Cilësimi “Grupet e Kufizuara” mund të aktivizohet vetëm nga administratorët e grupit . Edhe pas kufizimit të anëtarëve të tjerë administratorët do të jenë në gjendje të ndajnë gjithçka që dëshirojnë në grupin e tyre.

Pas kufizimit, anëtarët e tjerë do të kenë mundësi vetëm të lexojnë mesazhe dhe nuk do të jenë në gjendje të përgjigjen. Në rast se ata do të duhet të dërgojnë diçka  mund të shtypin butonin “Message Admin” për të postuar një mesazh ose për të ndarë media në grup.

Mesazhi duhet të miratohet nga administratori para se të kalojë tek pjesa tjetër e grupit.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.