Kjo fabrikë e vjetër duhani tani është kopshti më i madh vertikal i Europës

Me mbi 22,000 bimë individuale dhe 560 metra katrorë gjelbërim, ky është kopshti më i madh i brendshëm vertikal i Europës.

Struktura e saj mahnitëse është krijuar për një qendër komunitare që do të bëhet së shpejti në Santander, Spanjë. Tani për tani është në procesin e rinovimit nga një fabrikë duhani e papërdorur, por së shpejti do të jetë e hapur për të gjithë për ta shijuar.

Kopshti bashkohet me një mori hapësirash të fshehura të gjelbërta të ndara në të gjithë Europën, kjo veçanërisht është frymëzuar nga tekstet e harlisura të punës së Jackson Pollock.

Ai përmban një sistem të fshehur që rregullon gjithçka, nga temperatura në futjen e ujit, përfshirë një sistem kullimi që riciklon dhe ripërdor ujin e mbledhur.

Bimët marrin shumë rrezet e diellit përmes atriumit të ri të qelqit të ndërtesës, me drita LED automatike për rezervë nëse mungojnë.

Ky projekt është rezultat i përpjekjeve të kombinuara nga FDA Architects dhe Urban Therapy, një start up nga Universiteti i Seviljes.

Spanja sigurisht që nuk është e huaj për kopshtet e bukura, dhe ky bashkëpunim gjeti mundësinë për t’i rikontekstualizuar ato pas epidemisë.

“Unë mendoj se pandemia na ka detyruar të rimendojmë rrethinat tona të afërta, se si duken, dhe ne kemi vërejtur se çfarë mungon në peizazhin tonë urban, dhe se lidhja me natyrën është zhdukur”, thotë arkitekti Luis Fernandez del Arco. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.