Kredi fermerëve, shteti jep 40 milionë dollarë garanci – Rama: Nuk mund të ecet më me bujq “vetmitarë”. Krifca: Mbështetje me hua nga bankat
Megjithëse është përgjegjës thuajse për një të tretën e të punësuarve në vend, pesha e sektorit Bujqësor në PBB është vetëm 20% ndërkohë që mbetet në masë të madhe jashtë vëmendjes së bankave. Për këtë shkak, Qeveria ka miratuar një garanci sovrane prej rreh 40 milionë dollarësh për katër vitet në vijim, përmes së cilëve do u garantohet aksesi në kreditim fermerëve në gjithë vendin.
Ministrja e Bujqësisë Frida Krifca tha se ashtu si skemat e deritanishme të financimit. Garancia sovrane do u mundësojë fermerëve investimet në teknologji e inovacion.
Kryeministri Edi Rama tha se është e domosdoshme që fermeri shqiptar të shkëputet nga mentaliteti I bujqësisë vetmitare dhe se e ardhmja është investimi në partneritete e inovacion. Sipas tij sot punohet dyfishi I sipërfaqes bujqësore në raport me tetë vite më parë, por se mundësia e vetme për zhvillim është që sektori ti mbajë sytë nga e ardhmja.
Në ceremoninë e publikimit të nismës për garancinë sovrane në bujqësi morën pjesë përfaqësues të sektorit bankar, institucioneve shtetërore, BERZH dhe të sipërmarrjes.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.