Kryeministri i Hungarisë -partive konservatore evropiane :”Kërkoj ndjesë për termin ‘idiotë të dobishëm”!”
Kryeministri hungarez Viktor Orban i ka kërkuar ndjesë partive konservatore evropiane që i ka quajtur ata “idiotë të dobishëm”.
Në një intervistë për gazetën ”De Standaard”, Orban i quajti kritikët brenda PPE-së “idiotë të dobishëm” dhe i akuzoi ata që ndihmonin kundërshtarët e majtë dhe liberalë të grupit, që të rebelohen përpara zgjedhjeve të Parlamentit Europian në maj.
“Me këtë rast do të doja të shprehja keqardhjen, në qoftë se ju e keni marrë personale deklaratën time,” tha Orban në letrën e tij për Partinë e Belgjikës.
Letrat u dërguan të mërkurën drejtuesve të 13 partive anëtare të PPE-së, të cilët kanë propozuar përjashtimin e partisë në pushtet. Në letrën, Orban u kërkoi udhëheqësve të partive që të “rishqyrtojnë propozimin për dëbim”.
”Ndërsa Fidesz, nuk dëshiron të ndryshojë qëndrimi për çështjen e migracionit, mbrojtjen e kulturës së krishterë dhe të së ardhmes së Evropës, mosmarrëveshjet nuk duhet të zgjidhen duke dëbuar një parti nga familja jonë politike”, tha ai.
Fushata aq e bujshme e reklamave, e akuzon Presidentin e Komisionit Europian Jean-Claude Juncker dhe miliarderin amerikan George Soros, në lidhje me komplotimin për të përmbytur Europën me emigrantë. Mesazhe të ngjashme janë shfaqur në televizion dhe në internet, ndërsa Orban ka dërguar letra edhe për familjet në mbarë vendin që sulmojnë Juncker. Një vendim për anëtarësimin e ardhshëm të Fidesz do të diskutohet në një takim të PPE më 20 mars, sipas Manfred Weber, kandidati kryesor i bllokut për të zëvendësuar Juncker më vonë gjatë këtij viti.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.