Kryeministri i ri grek Mitsotakis kërkon të ulë taksat për bizneset dhe shtresën e mesme. Por i  vjen një “dush të ftohtë”… 

Qeveria e re greke e qendrës së djathtë nis ceremoninë zyrtare të marrjes së detyrës, me betimin e ministrave ndërsa pret votën e besimit në parlament me 21 korrik. Por menjëherë nga Brukseli mbërrijnë lajme jo të mira për kryeministrin e zgjedhur Kyriakos Mitsotakis.

Kryeministri i ri synon të negociojë për një fleksibilitet më të madh të bilancit me kreditorët europianë, për të pasur mundësinë e uljes së taksave shkruan “IlSole24Ore”.

Por nga mbledhja e Eurogrupit i ka ardhur një dush i ftohtë.

“Tepricat primare që janë diferencat mes shpenzimeve publike dhe hyrjeve neto në koston e borxhit publik, konsiderohet si guri i themelit për mbështetjen e programit që është në vijim dhe përfaqëson një parakusht për masa të tjera që synojnë lehtësimin e borxhit” është shprehur kreu i Fondit, Salvastati Klaus Regling.

Ndërsa presidenti i Eurogrupit, Mario Centeno është shprehur se “angazhimet janë angazhime dhe nëse nuk respektohen humbet besueshmëria, që sjell më pas në humbje të besimit dhe të investimeve në kontekstin e analizës së rritjes ekonomike të fundit”.

Në të kundërtën, kryeministri i ri Mitsotakis ka qendrimin se teprica primare është shumë e lartë dhe që po rëndon mbi perspektivën e rritjes, që do të përforcohej nga një hapësirë manovrimi që duhet përdorur për të lehtësuar presionin fiskal mbi sipërmarrjet dhe mbi shtresën e mesme.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.