Kthesa e fortë/ Trump pranon për herë të parë humbjen: Me 20 janar administratë e re. Ata që bënë dhunën nuk përfaqësojnë vendin tonë  

Për herë të parë Presidenti i Shteteve të Bashkuara të Amerikës, Donald Trump, pas javë e javë tentativash për të përmbysur rezultatin e zgjedhjeve, edhe pse pa përmendur asnjëherë Joe Biden, e ka njohur humbjen elektorale. “Kongresi ka certifikuar rezultatin e zgjedhjeve. Një administratë e re do të inaugurohet me 20 janar. Objektivi im është tashmë ai i sigurimit të tranzicionit të pushtetit në mënyrë të qetë e të rregull” është shprehur Trump.

Ky ndryshim sjellje vjen pas një videoje të postuar nga ai në Tëitter në të cilën ditën pas eventeve tragjike të mësymjes në Kongresin Amerikan nga mbështetësit e tij, ai u drejtohet amerikanëve duke dënuar dhunën dhe duke bërë apel për pajtim. “Duhet të kthejmë normalitetin në Amerikë” është shprehur ai. Trump ka kritikuar ashpër protagonistët e dhunës duke u thënë se “ju nuk përfaqësoni vendin tonë. Dhe ata që kanë shkelur ligjin do ta paguajnë” .

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.