Kur do të vijë fundi i pandemisë? – Seferi: Normalitet kur të kontrollohet imuniteti i popullsisë nëpërmjet vaksinimit

Vaksina  shihet si e vetmja shpresë nga specialistët e shëndetit publik, për të rikthyer në normalitet situatën e shkaktuar nga virusi Covid-19. Mjeku, Indrit Seferi, në një intervistë për televizionin Scan thotë se fundi i pandemisë mund të vij vetëm atëherë kur të ketë kontroll të imunitetit të popullsisë  nëpërmjet vaksinimit.

Seferi  apelon për rritje të vigjilencës  edhe pse duket se  shumë  qytetarë po neglizhojnë duke çuar në rritjen e shifrave të infektimeve në vend .

Specialisti i shëndetit publik shton se po organizohen  takime dhe aktivitete për të mundësuar sa më shumë shkëmbime eksperiencash midis mjekëve të vendeve të ndryshme,  kjo, për  të përballuar situatën e vështirë  të krijuar nga pandemia.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.