Kursi i këmbimit/ Si ka nisur kjo javë për valutat kryesore?! Dobësohet ndjeshëm Paundi britanik

Monedha europiane e ka nisur javën në vlera të qëndrueshme duke vazhduar edhe këtë të hënë të blihet me 123.8 lekë dhe të shitet me 124.3 lekë sikurse edhe javën e kaluar.

Ndërkaq Paundi britanik ka shënuar rënien më të madhe të vlerës me 0.4 pikë nga java e kaluar duke u blerë sot me 134.6 lekë dhe duke u shitur me 135.7 lekë, sipas kursit të këmbimit lokal.

Dollari amerikan është forcuar në raport me periudhën e 14-18 shtatorit pasi blihet këtë mëngjes me 104.5 lekë  dhe shitet me 105.2 lekë, referuar tregut valutor vendas.

Franga zvicerane vazhdon edhe këtë javë të humbasë kuota në raport me lekun, duke zbritur me 0.4 pikë në vlerën e 114.2 lekë në blerje dhe 115 lekë në shitje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.