Cikloni Janos përmbyt Greqinë. Tre persona të vdekur nga stuhia e rallë mesdhetare
Tre persona kanë vdekur nga stuhia e rallë mesdhetare në Greqi, ndërkohë që janë përmbytur rrugët dhe shtëpitë, sipas autoriteteve greke. Cikloni Janos ka shkulur pemë dhe ndërprerë energjinë elektrike në ishujt e detit Jon dhe peloponezin perëndimor. Ditën e Shtunë goditi Greqinë qendrore, duke përmbytur qytetet Karditsa dhe Farsala, përpara se të lëvizte në jug drejt ishullit të Kretës. Agjencia e Lajmeve e Athinës raportoi se trupat e pajetë të dy personave janë zbuluar në një fshat pranë Karditsa dhe zjarrfikësit raportuan një të tretë në Farsala. Reshjet e dendura në fundjavë e kthyen Karditsa, që ndodhet në një nga rrafshinat më të mëdha të Greqisë, në një liqen.
Pamjet e filmuara treguan autostrada të përmbytura, ura të shembura dhe tokat bujqësore të kthyera në liqene të baltës. Një lum doli nga shtrati dhe dëmtoi rrugët dhe një qendër mjekësore në qytetin Mouzaki. Ekspertët vlerësojnë se rreth 5,000 shtëpi janë përmbytur në zonën Karditsa. Kryeministri Kyriakos Mitsotakis, që pritet të vizitojë zonën në ditët e ardhshme, tha se qeveria do të ofrojë ndihma ekonomike. Ciklonet janë regjistruar për herë të parë në Greqi në vitin 1995 dhe janë bërë më të shpeshta në vitet e fundit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.