Kushtet financiare që duhet të merrni parasysh përpara se të nënshkruani një kontratë pune
Kur merrni njoftimin se intervista juaj ka shkuar mirë dhe ju jeni i përzgjedhuri, prisni, ka ende punë për t’u kujdesur përpara se të festoni. Rishikimi dhe nënshkrimi i kontratës. Ju duhet patjetër ta shikoni dhe shqyrtoni marrëveshjen midis punëdhënësit dhe punëmarrësit.
Më poshtë do të gjeni 7 kushtet me të rëndësishme financiare që duhet të shqyrtoni përpara se të nënshkruani një kontratë pune.
- Pagesa bazë
Kur merrni një letër për ofertë pune nga një kompani, paga vjetore ose paga bazë, zë frontin e mendjes suaj. Dhe me të drejtë, ju duhet të dini se sa ju paguajnë për kohën dhe punën tuaj. Nëse shifra për pagën bazë në kontratë nuk përputhet me shifrën që keni diskutuar kur keni bërë intervistën, atëherë duhet të thoni diçka.
- Pagesa stimuluese
Në varësi të pozicionit të punës, kompanitë mund të ofrojnë kompensim përtej pagës suaj, këtë si një formë shpërblimi. Kështu ju duhet të siguroheni që kjo “pikë” ekziston në kontratën tuaj. Po ashtu duhet të siguroheni nëse ky lloj shpërblimi është një shumë fikse apo në bazë të performancës. Nëse është në bazë të performancës atëherë keni plotësisht të drejtë të pyesni se kush është personi “kompetent” që do të gjykojë punën tuaj.
- Pushimet dhe lejet
Shumë njerëz në botë interesohen për pushimet kur nënshkruajnë një kontratë pune dhe me të drejtë. Duhet të pyesësh nëse kompania ka pushime zyrtare, nëse mund të merrni leje kur jeni sëmurë, etj. Gjithashtu duhet të pyesni nëse këto ditë pushimi paguhen.
- Siguracioni
Nëse kontrata juaj e punës vjen nga një kompani me 50 ose më shume punonjës, ju duhet ta kërkoni patjetër sigurimin e jetës. Shpesh herë prireni të mendoni që nuk do të ndodhë asgjë e keqe në punë, por e mira do të ishte që për çfarë do lloj arsyeje ta keni siguracionin e jetës. Gjithashtu duhet edhe të siguroheni se sa para do të mbahen nga paga juaj është tepër e rëndësishme
- Mundësitë e aksioneve
Shumë kompani të reja ofrojnë mundësinë e aksioneve për punonjësit e tyre, kjo është një mundësi e mirë për të fituar para. Nëse kompania është tepër fitimprurëse dhe në kontratën e punës e shikoni këtë “pikë” aksionet tuaja mund të kenë një vlerë të pabesueshme.
- Përfitim në arsim
Më shumë se 60 për qind e punëdhënësve ofrojnë ndihmë për t’u shkolluar ose trajnuar, kjo për të rritur performancën në punë. Nëse punëdhënësi juaj e ofron këtë përfitim, duhet të jetë e përshkruar patjetër në kontratë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.