Lajm i mirë mbi rritjen e ekonomisë – Shqipëria rritjen më të lartë në rajon në 6 mujorin e fundit
Gjatë ditës së sotme është mbajtur një konferencë e përbashkët e Zëvendëskryeministrit Arben Ahmetaj dhe Ministres së Financave dhe Ekonomisë Delina Ibrahimaj.
Gjatë konferencës është theksuar rritja e ekonomisë me +18% në tremujorin e dytë i cili shënon rritjen më të lartë në rajon.
Kjo rritje zbut masivisht efektet tronditëse të pandemisë dhe hap një perspektivë shumë inkurajuese për mbylljen e vitit 2021 me shërimin e plotë të plagëve të vitit të shkuar në ekonomi.
Industria, tregtia dhe ndërtimi kanë qenë kontribuesit më kryesorë në rritjen e fortë të ekonomisë, duke konfirmuar përmirësimin e ndjeshëm të aktivitetit ekonomik, falë reformave, mirëqeverisjes ekonomike dhe rikthimit të të gjitha vendeve të humbura të punës vitin e kaluar.
Përsa i përket 6 mujorit të fundit Shqipëria ka pasur rritjen më të lartë në rajon me 11.7 përqind.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.