Ligji i faljes, Ahmetaj: Janë mbi 90 mld lekë detyrime për t’u fshirë. Sipërmarrja të formalizohet
Gjatë konferencës për analizën vjetore të vitit 2016, ministri i Financave foli edhe për ligjin e faljes së detyrimeve. Sipas Ahmetajt, ligji i vjen në ndihmë sipërmarrjes, ndërkohë po sipas ministrit, me këtë ligj është punuar për gati 8 muaj.
“Ligji i vjen në ndihmë sipërmarrjes, kemi punuar për gati 8 muaj për të. Jemi konsultuar me biznesin dhe me FMN. Ligji i faljes kalon këtë javë në qeveri. Janë mbi 90 mld lekë detyrime për t’u fshirë. Tashmë sipërmarrja duhet ta përdore këtë ligj dhe këtë nismë për t’u formalizuar” u shpreh Ahmetaj. I pyetur për paketën 1 mld Euro, Ahmetaj pohoi se kjo paketë që tani ka filluar të japë efekte.
Po kështu kreu i Financave publike solli edhe një herë në vëmendje rrugën e Arbrit dhe bisedimet për aeroportin e Vlorës, ku tha se “ Ka interes të materializuar për Rrugën e Arbrit. Po kështu ka interes të drejtpërdrejtë për Aeroportin e Vlorës. Për këtë të fundit ka grupe që shfaqën interes”. Po kështu kreu i Financave publike, foli edhe për marrëveshjen me FMN, e cila mbaron më 24 Shkurt, por sipas ministrit “FMN kryen monitorim të plotë në 3 mujorë”
Po kështu, Ahmetaj shtoi se me ofertën e re fiskale, ekonomia u rrit me 3.4 % “Taksa progresive është një instrument i drejtpërdrejt është një stimul për rritjen e të ardhurave, ndërsa kthimi i taksës së sheshtë është një kthim pas”, Ahmetaj
Osman Dedja/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.