Lu letër ministres së Mbrojtjes: Ju falenderoj për punën tuaj. Kemi përparuar në bashkëpunimin tonë – Kodheli: Kënaqësi që punova me miq e aleatë të mrekullueshëm
Ambasadori Donald Lu përmes një letre i ka shprehur falenderimet ministres së Mbrojtjes në detyrë Mimi Kodheli, për punën e bërë gjatë këtyre katër viteve në drejtimin e këtij dikasteri. Në këtë letër, Lu shprehet se gjatë këtyre katër viteve është përparuar më tej në bashkëpunimin ushtarak, si dhe ka shprehur vlerësimet mbi punën e bërë në Forcat e Armatosura dhe në marrëdhëniet Shqipëri-SHBA
Letra e falënderimit të Ambasadorit Lu
“E nderuara ministre Kodheli,
Ne emër të kolegëve në Uashington dhe Ambasadës Amerikane në Tiranë më lejoni t’ju përgëzoj për punën Τuaj të jashtëzakonshme gjatë katër viteve të drejtimit të Ministrisë së Mbrojtjes si një Aleat i ngushtë NATO. Nën lidershipin Tuaj ne kemi përparuar në bashkëpunimin tonë ushtarak përmes mbështetjes që i kemi dhënë lidershipit të NATO-s në Evropë dhe Afganistan dhe kemi çuar përpara objektivat tona të përbashkëta për rritjen e shpenzimeve të mbrojtjes për të gjithë Aleancën.
Ka qenë kënaqësi të punuarit me ju gjatë detyrës suaj si ministër i Mbrojtjes dhe shpresojmë që në të ardhmen të kemi dhe bashkëpunime të tjera. Ne vlerësojmë çfarë Ju keni bërë për Forcat e Armatosura të Republikës së Shqipërisë, por gjithashtu për marrëdhëniet Shqipëri-SHBA.
Edhe njëherë, urimet më të përzemërta. Siqerisht, Donald Lu”
Ndërkohë nga ana e saj, ministrja Kodheli u shpreh se ka qenë kënaqësi për të, të punuarit me miq dhe aletë të mrekullueshëm.
“Kënaqësia ka qenë e gjitha e imja që i kam shërbyer vendit dhe kam punuar me miq dhe aleatë kaq të mrekullueshëm”, shkruan ministrja.
Kënaqësia ka qenë e gjitha e imja që i kam shërbyer vendit dhe kam punuar me miq dhe aleatë kaq të mrekullueshëm. 🇦🇱🇺🇸…
Posted by Mimi Kodheli on Tuesday, August 29, 2017
Mimi Kodheli drejtoi Ministrinë e Mbrojtjes përgjatë katër viteve që qeverisë “Rama 1”, ndërkohë dy ditë më parë kreu i qeverisë ka prezantuar në këtë detyrë, Olta Xhaçkën.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.