Lushje, shfrytëzonte pa leje material inert – 2 mln lekë gjobë dhe mbyllje të menjëhershme të aktivitetit

Në vijim të punës së Ministrisë së Turizmit dhe Mjedisit për kontrollin e shkelësve të mjedisit dhe pas denoncimit të qytetarëve në platformën e bashkëqeverisjes, ISHMP ndërmori një inspektim në fshatin Çukas të Lushnjës.

Gjatë inspektimit në terren grupi i inspektorëve të ISHMP verifikoi ankesën e qytetarëve duke konstatuar se subjekti “Këlliçi-2009” shfrytëzonte material inert (rërë)  pa leje shfrytezimi.

Nga ana e Inspektoratit të Mjedisit u mor masa administrative me gjobë në vlerën 2.000.000 lekë dhe mbyllje të menjëhershme të aktivitetit, rehabilitim të vendit ku depozitohej materiali inert dhe kthimin e këtij vendi në gjendjen e mëparshme.

Ministria e Turizmit dhe e Mjedisit dhe Inspektoriati Shtetëror i Mjedisit, inkurajon qytetarët që të denoncojnë çdo shkelje të konstatuar në dem të mjedisit, pasi vetëm së bashku mund ta ruajmë mjedisin nga ndotësit e tij.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.