Masa kundër informalitetit – Raporti i BB, Sorensen: Pagat e ulëta, lidhen me produktivitetin
Ndërsa raporti i fundit i Bankës Botërore nxjerr në pah informalitetin e lartë në tregun e punës në Shqipëri, në nivelin 36 për qind, Ministria e Financave dhe Ekonomisë po ndërmerr një paketë të gjerë masash që synon të luftojë këtë fenomen. Zv.Ministrja Dajna Sorensen, shpjegon se informaliteti ka trajta të ndryshme, që nga kompanitë në të zezë e deri tek pagat e padeklaruara.
Sorensen ka komentuar edhe të dhënat mbi pagat, ku rezulton se Shqipëria ka pagat mesatare më të ulëta në rajon. Sipas saj, kjo lidhet me produktivitetin në punë.
Banka Botërore në një raport të publikuar për tregun e punës në Ballkanin Perëndimor referuar tremujorit të dytë të vitit 2017 deri në tremujorin e dytë 2018, analizon me detaje se sa është diferenca reale e pagave, ku rezulton se në Shqipëri paga mesatare është në nivelin 372 euro për frymë dhe më e ulta në rajon.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.