Masa radikale në Itali teksa shënohen 148 viktima/ Kryeministri Conte shpall planin ekonomik, shkollat do vazhdojnë ‘online’

Ekzistojnë 3,296 pacientë me koronavirus në Itali, me një rritje prej 590 personash më shumë se dje dhe 148 vdekje, 41 më shumë. Të dhënat e reja u siguruan nga Komisioneri Angelo Borrelli gjatë konferencës për shtyp për Mbrojtjen Civile. “Deri më tani, 10.7% e atyre që kanë kontraktuar koronavirus janë shëruar, ndërsa 3.8% e tyre kanë vdekur,” shtoi ai.

Të dhënat e Mbrojtjes Civile tregojnë se

1.777 pacientë janë në Lombardi,

658 në Emilia Romagna,

380 në Veneto,

106 në Piemonte,

120 në Marche,

45 në Campania,

21 në Liguria,

60 në Toscana,

41 në Lazio,

21 në Friuli Venezia Giulia,

16 në Siçili,

12 në Puglia,

8 në Abruzzo,

7 në Trentino,

 7 në Molise,

9 në Umbria,

1 në provincën e Bolzano,

 2 në Calabria,

2 në Sardenjë,

1 në Basilicata dhe

2 Valle d ‘ Aosta.

Viktimat janë 98 në Lombardi (25 më shumë se dje), 30 në Emilia Romagna (+8), 10 në Veneto (+4), 4 në Marche, 3 në Liguria (+2) dhe një në Puglia. Deri më tani, gjithsej 3,858 njerëz janë infektuar me koronavirus, përfshirë viktima dhe njerëz të shëruar. Sa për tampona, janë bërë 32.362, nga të cilat më shumë se 27 mijë në Lombardi, Emilia Romagna dhe Veneto.

Për të ndaluar koronavirusin dhe për të kufizuar infeksionin, Kryeministri italian, Giuseppe Conte nënshkroi një dekret të ri që e vendos Italinë nën masa radikale: shkollat ​​dhe universitetet mbyllen deri më 15 mars, kampionati i futbollit do zhvillohet me dyer të mbyllura, pezullohen konferencat, tubimet dhe eventet shoqërore, përfshirë kinematë dhe aktivitetet teatrore, lejohen aktivitetet në palestra apo pishina vetëm nëse respektojnë rregullat e higjienës dhe distancën e sigurisë së paku një metër.

Ndërsa nga sot shkollat dhe universitetet në të gjithë Italianë do të qëndrojnë të mbyllura, një vendim jo i lehtë për qeverinë, Ministrja e arsimit tha se ekzekutivi është i përkushtuar të sigurojë mësimdhënien në distancë dhe përmes kurseve në internet.

Kryeministri Conte ka shprehur edhe masat ekonomike që janë ndërmarrë për të përballuar situatën e epidemisë:

“Ne kemi ndarë 7.5 miliardë për të mbështetur familjet dhe bizneset që po përballen me këtë emergjencë,” shtoi Conte, “Këto janë masa të jashtëzakonshme dhe urgjente,” shpjegoi ai. “Pritet që komisioni i BE të dëgjohet në këtë proces për të cilin po punojmë për të krijuar këtë devijim nga objektivat programatik. Le të mos bëjmë një kërcim në errësirë, tashmë mund të deklarojmë se ekziston ndjeshmëria e plotë e komisionit të BE-së për të kuptuar situatën urgjente që po kalojmë”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.