Merr detyrën komandanti i ri i Forcës Ajrore/ Peleshi: Do të operojmë së shpejti në një bazë taktike të NATO-s
Ministria e Mbrojtjes njofton se Gjeneral brigade Ylli Pulaj mori sot zyrtarisht detyrën e komandantit të Forcës Ajrore të FA të cilit iu dorëzua flamuri luftarak nga shefi i Shtabit të Përgjithshëm të FA, gjeneralmajor Bajram Begaj në një ceremoni, ku morën pjesë ministri i Mbrojtjes Niko Peleshi dhe komandantë të forcave.
Ministri Peleshi e cilësoi këtë një moment të merituar për gjeneral brigade Pulajn, i cili me propozim të ministrit të Mbrojtjes u dekretua nga presidenti si gjeneral brigade dhe më pas si komandant i FAj. Por, sipas ministrit Peleshi këtë forcë e presin shumë sfida përpara në raport me anëtarësimin në NATO, bashkëpunimin me partnerin strategjik SHBA, por edhe kontributi që ajo jep gjatë gjithë vitit pranë komunitetit të Emergjencave Civile.
Sipas njoftimit gjeneral brigade Ylli Pulaj, gjatë karrierës së tij në Forcat e Armatosura ka shërbyer në detyra të ndryshme brenda dhe jashtë vendit, ndërsa së fundmi mbante detyrën e zëvendëskomandantit të Forcës Ajrore.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.