Mësuesit pa shpërblim – Sindikatat: 5 vite shpërfillje, mësues ngrihuni kërkoni të drejtat
Sindikata e pavarur e Arsimit të Shqipërisë ka reaguar lidhur me përjashtimin e mësuesve nga shpërblimi i fundvitit.
Kreu i sindikatës Nevruz Kaptelli ka deklaruar për televizionin SCAN se prej 5 vitesh mësuesit janë shpërfillur madje edhe për fondin e veçantë prej 5% i cili mbahet pezull.
‘Ne tentuam që këtë shpërblim ta kërkonim në rrugë gjyqësore, mirëpo ligjet këtu janë të tilla që përpara se të fillojë procesi gjyqësor ne duhet të paguajmë 1 për qind të të gjithë shumës së kërkuar të shpërblimit të këtyre viteve që është diçka e pamundur financiarisht nga ana e të dy sindikatave. Dhe me këtë rast unë doja ti bëja thirrje të gjithë mësuesve që të vrasin frikën dhe të mos hezitojnë për të kërkuar të drejtat e tyre”, shprehet Kaptelli.
Por veç kësaj Kaptelli u shpreh se mësuesit hasen me shumë vështirësi dhe presione për vendet e punës.
“Prej pesë vitesh, mësuesit janë ndodhur, në vështirësi, në presion të vazhdueshëm për vendin e tyre të punës”, shtoi më tej ai.
Sipas ligjit mësuesve u takon shpërblim në fundvit në shumën prej 10 mijë lekësh e drejtë kjo e përfituar që prej lëvizjes sindikale që prej vitit 1999.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.