Miliona pajisje të pasigurta të ekspozuara në qytetet europiane
Një vit pas valës së sulmeve që shkatërruan faqet e internetit më të mëdha në mbarë botën, miliona printera, pajisje rrjeti dhe uebkamera mbeten të pambrojtura nga sulmi në të gjithë qytetet europiane.
Kompania e sigurisë kompjuterike Trend Micro (4704.T) tha se Berlini ka më shumë se 2.8 milionë pajisje të pasigurta, ndjekur nga Londra me më shumë se 2.5 milionë pajisje të ekspozuara. Sipas të dhënave, ndër 10 kryeqytetet Roma kishte edhe numrin më të ulët me gati 300,000 pajisje të dukshme të pasigurta.
Trend Micro tha se përdoruesit e elektronikës duhet të marrin përgjegjësinë për menaxhimin e pajisjeve të tyre të lidhura me internetin për shkak të dështimit të shumë prodhuesve të veglave për të ndërtuar sigurinë e paracaktuar në produktet e tyre.
Ekspertët e kompjuterëve thonë se dështimi për të përmirësuar miliona pajisje të pasigurta pas sulmeve të shërbimit të Mirait të vitit të kaluar do të thotë se është vetëm një çështje kohe para se të ndodhin ndërprerje të mëtejshme.
Kompania kërkimore Gartner kohët e fundit ka parashikuar se do të ketë 8.4 miliardë produkte ose pajisje të lidhura në 2017, me 31 për qind më shumë 2016, si dhe pret që numri të trefishohet deri në vitin 2020, raporton Reuters.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.