Minimizohet Covid në Shqipëri/ 6 raste pozitive në 24 orët e fundit  

Në 24 orët e fundit janë konfirmuar 6 raste pozitive me Covid-19 dhe është shënuar 1 humbje jete. Është ky bilanci i publikuar nga ministria e Shëndetësisë, që bën apel që të vijohet të respektohen protokollet e sigurisë. Në total në 24 orët e fundit janë kryer 2 mijë e 325 testime ku vetëm 6 raste kanë rezultuar pozitive. Rastet pozitive janë konfirmuar 2 raste në Tiranë dhe nga 1 rast në Lezhë, Fier, Kamëz, Prrenjas.

Aktualisht në spitalet COVID po trajtohen 39 pacientë, nga të cilët 6 janë në terapi intensive.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.