Ministri britanik i financave, Hammond, do të japë dorëheqjen nëse Boris Johnson zgjidhet kryeministër

Kancelari britanik i thesarit Philip Hammond njoftoi të dielën se do të japë dorëheqjen nëse kandidati i kreut konservator Boris Johnson zgjidhet të mërkurën (24 korrik) si kryeministri i ardhshëm britanik. “Unë kam ndërmend të jap dorëheqjen pas pyetjeve të Kryeministrit të mërkurën”, tha Hammond për Andrew Marr Show të BBC.

Hammond pritet të shkarkohet kur Boris Johnson, favoriti për t’u bërë kryeministër i ardhshëm i Britanisë, të marrë detyrën. Xhonson besohet të kërkojë një “premtim besnikërie” për të gjithë anëtarët e tij të ardhshëm të kabinetit për të pranuar një marrëveshje të mundshme No Brexit më 31 tetor.

“Unë jam i sigurtë se nuk do të shkarkohem nga detyra sepse do të kem dhënë dorëheqjen para se të arrijmë në atë pikë”, tha Hammond të dielën. “Duke supozuar se Boris Xhonson bëhet kryeministër, unë e kuptoj se kushtet e tij për të shërbyer në qeverinë e tij do të përfshinin pranimin e një daljeje pa marrëveshje nga BE më 31 tetor. Kjo është diçka që unë nuk do të mund ta nënshkruaj kurrë.”

Hammond ka kundërshtuar skenarin e No Deal Brexit në disa raste të veçanta. Ai paralajmëroi javën e kaluar se Britania e Madhe do të “humbte kontrollin” e shumë sektorëve kryesorë të ekonomisë së saj, duke përfshirë lidhjen e rëndësishme tregtare në portin francez të Calais, nëse vendi e lë BE pa një marrëveshje. (Euronews)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.