Ngadalësimi i industrisë Gjermane – Bie përsëri kërkesa për “Made in Germany”. Probleme nga jashtë
Porositë për mallrat industrialë gjermanë janë rritur fare pak në Mars, pas dy muajsh të rënieve të mëdha, duke zbehur perspektivën për ekonominë më të madhe të Europës që ndodhet në ngadalësim. Eksportuesit gjermanë kanë pësuar goditje nga kërkesa e dobët jashtë vendit, tensionet e shkaktuara nga konfliktet tregtare në SHBA, dhe pasigurisë nga Brexit.
Te faktorët e brendshëm përfshihet sfida e industrisë së makinave për t’u përshtatur me rregullat më të ashpra të ndotjes. Kontratat për mallrat ‘Made in Germany” u rritën me 0.6%, sipas të dhënave të Zyrës Federale të Statistikave, poshtë projeksioneve për një rritje me 1.5%.
Ministria e Ekonomisë bëri të ditur se rritja në Mars erdhi kryesisht nga porositë me shumicë dhe pritet një ngadalësim në muajt e ardhshëm. Përjashtuar porositë me shumicë, kërkesa për mallrat industrial gjerman ra me 1.9% në Mars.
Për tremujorin e parë në total, porositë industriale ranë me 4.1%. Qeveria gjermane ka ulur projeksionet për rritjen ekonomike në vitin 2019 në 0.5%.
Kjo shënon një ngadalësim të madh pas rritjes me 2.2% në vitin 2017 dhe 1.4% në vitin 2018. Mjedisi i vështirë tregtar nënkupton se kërkesa e brendshme do të jetë nxitësi i rritjes ekonomike këtë vit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.