“Ngjarja pas mitingut të opozitës”, Basha: Institucionet të vënë para përgjegjësisë autorët

Pas ngjarjes mbrëmjen e djeshme, ku u raportua se disa qytetarë përshirë edhe kreu e PD Basha janë paraqitur në QSUT në gjendje jo të mirë shëndetësore, ka qenë vetë lideri i opozitës i cili ka reaguar në një deklaratë për mediat pak minuta më parë.

“Kam folur dhe kam vizituar shumë prej të prekurve dhe fatmirësisht efektet janë anësore, të përkohshme dhe joserioze. Presim zbardhjen dhe vënien para përgjegjësisë të autoreve, kushdo qofshin ata. Ne po bëjmë analizën tonë, sigurisht kjo gjë që ndodhi nuk ishte një tullumbace.

Por mund të them se  është detyra e autoriteteve shtetërore të vënë para përgjegjësisë autorët. Nëse nuk ndodh kjo gjë, sigurisht që kemi të bëjmë me një gjunjëzim të shtetit. Kjo gjë që ndodhi nuk na ndal drejt fitores”, u shpreh Basha.

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.