Nis beteja për buxhetin – KE propozon një buxhet më të madh pas Brexit, në 1.11% të PBB
Komisioni Europian propozoi një buxhet disa vjeçar më të madh gjatë kësaj jave, që pritet të shkaktojë konflikte mes vendeve anëtare, mbi mënyrën se si do të mbushet hendeku në financim, pas daljes së Britanisë në muajin Mars 2019.
Presidenti i Komisionit, Jean Claude Juncker, i bëri thirrje 27 vendeve anëtare që të mbushin hendekun prej të paktën 10 miliardë euro në vit, që do të shkaktohet nga Brexit.
Gjatë takimit, u theksuan rritje të shpenzimeve në fuqizimin e kufijve kundër emigrimit të jashtëligjshëm si dhe në ndihmat e jashtme, rritje të investimeve në skemat e përbashkëta të mbrojtjes në Bashkimin Europian, hulumtim dhe teknologji si dhe në ndihmën e qeverive të Eurozonës që përballen me vështirësi.
Propozimi i bën thirrje vendeve anëtare që të mundësojnë rritjen e parasë në Bruksel në mënyrë direkte nga taksat mbi plastikën, që projektohet për të mbrojtur mjedisin, si dhe nga firmat e mëdha të teknologjisë.
Megjithatë, do të kërkohet gjithashtu që vendet e pasura të perëndimit të kontribuojnë më shumë, ndërkohë që Britania ndalon së paguari shumën prej 10 miliardë euro çdo vit.
Buxheti do të jetë në rreth 1.11% të totalit të Produktit të Brendshëm Bruto të bllokut, bëri të ditur komisioni, në rritje kjo nga norma aktuale prej 1.03%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.