Nis zbatimi i projektit “Jepi jetë Kamzës – Dhuro një pemë” – Mziu kërkesë për t’iu bashkuar aksionit qytetar
Bashkia Kamzë ka nisur sot zbatimin e projektit “Jepi jetë Kamzës – Dhuro një pemë” në kuadër të shtimit të gjelbërimit. Ky projekt parashikon mbjelljen e 10 mijë pemëve dekorative në të gjithë zonën e Bashkisë së Kamzës, kryesisht në rrugët e qytetit dhe pyllëzimin e anësoreve të lumenjve.
Ndërkohë, në ditën e parë të kësaj nisme u mbollën 250 pemë dekorative në Paskuqan dhe në Qendër – Babrru, ku morën pjesë kryebashkiaku Xhelal Mziu si dhe prefektja e Tiranës Suzana Jahollari. Kryebashkiaku ftoi të gjithë qytetarët që t’i bashkohen këtij aksioni që ka për qëllim përmirësimin e ambientit në këtë zonë.
Kjo nismë e cila filloi në vitin 2007 dhe deri më tani numëron mbi 26 mijë pemë dekorative të mbjella në zonën e Kamzës.
Mziu po ashtu inspektoi edhe punimet në bllokun Qendër – Babrru, ku përmes buxhetit financiar investoi për ndërtimin e 25 kilometër rrugë me standarde bashkëkohore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.