Operacion në liqenet e Shkodrës, Vaut të Dejës e Komanit! Bllokim varkave e mjeteve artizanale pa leje që transportojnë turistë

Drejtoria e Përgjithshme Detare njofton se pas inspektimeve dhe verifikimeve të mjeteve ujore që bëjnë transport pasagjerësh dhe automjetesh në liqenet e Komanit, Vaut të Dejës dhe liqenit të Shkodres janë konstatuar se ka mjete ujore që bëjnë transport pasagjerësh dhe automjetesh të cilat janë artizanale dhe rrezikojnë jetën e njerëzve dhe mjeteve.

“Për këtë arsye, sot po zhvillohet një operacion në bashkëpunim me policinë e qarkut Shkodër dhe hetimit tatimor për bllokimin e mjeteve pirate dhe artizanale të paregjistruara dhe të paçertifikuara dhe që janë rrezik për turistë që lëvizin në këto liqene. Operacioni po vazhdon me verifikimin dhe bllokimin dhe është në proces” njofton Ministria e Infrastrukturës dhe Energjisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.