Pagesa në Rrugën e Kombit, Çeliku: Ndikim negativ në ekonomi, të rishikohet

Pagesa e vendosur për kalimin në Rrugën e Kombit, duke filluar nga 5 euro, do të sjellë efekte negative në ekonomi.

I ftuar në studion e TV SCAN, ish zëvendësministri i Transporteve, Sadedin Çeliku, thekson se ndikim do të ketë në rritjen e biletave të udhëtimit për qytetarët, në rritjen e çmimeve të produkteve bujqësore, varfërimin e mëtejshëm të zonave në veri të vendit si dhe ndikim negative në turizëm. Sipas tij, ende ka kohë për të ndërhyrë.

Çeliku propozon që të shihet mundësia për uljen e tarifës apo përmes zbritjes së pagesës së automjeteve në kolaudim.

Vendosja e pagesës 10 euro vajtje-ardhje për veturat në Rrugën e Kombit ka ngjallur reagime të shumta në radhët e bizneseve, qytetarëve dhe politikës.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.