Pastrimi i parave, zgjerohet rrethi për politikanët – Në listë personat që kanë bashkëpronësi, ortakëri apo marrin në pronësi bizneset e zyrtarëve
Një seri ndryshimesh po ndërmerren në kuadrin ligjor për parandalimin e spastrimit të parave të diktuara kryesisht nga kushtet e vendosura nga mekanizmat ndërkombëtare në këtë drejtim. Ndryshimet, të hedhura tashmë për konsultim public konsistojnë kryesisht në rritjen e vëmendjes ndaj bankave guaskë, që përdoren për maskimin e fondeve, ndërkohë që njëherësh zgjerojnë edhe rrethin e familjarëve, personave apo subjekteve të lidhur me politikanët e zyrtarët e lartë.
Sipas përkufizimeve të reja, anëtarët e familjes të personit të ekspozuar politikisht janë: (a) bashkëshorti/ja, apo bashkëjetuesi/sja e një personi të ekspozuar politikisht; (b) fëmijët dhe bashkëshortët/et e tyre, apo bashkëjetuesit/set , të një personi të ekspozuar politikisht; (c) prindërit e një personi të ekspozuar politikisht.
10/2 Personat që njihen si bashkëpunëtorë të ngushtë të personave të ekspozuar politikisht në interpretim të këtij ligji janë: (i) individët që kanë pronësi përfituese të përbashkët në persona juridikë apo organizime ligjore, apo çfarëdo marrëdhënie tjetër të ngushtë biznesi, me një person të ekspozuar politikisht; (ii) personat të cilët janë pronarët përfitues të vetëm të një personi juridik apo organizimi ligjor i cili dihet se është krijuar për përfitimin de facto të personit të ekspozuar politikisht; (iii) çdo person tjetër sipas përcaktimeve të dhëna në ligjin për parandalimin e konfliktit të interesave në ushtrimin e funksioneve publike.”
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.