Për një shtëpi të sigurt gjatë kohës që jeni me pushime ndiqni këto këshilla!

Për shumë persona, vera është sezoni i udhëtimeve, e detyrimisht i largimit nga shtëpia. Ndërsa ju mund të jeni jashtë qytetit për t’u relaksuar, shtëpia juaj mund të shndërrohet në një objektiv të mundshëm për plaçkitje.

Është një perspektivë e frikshme por mënyra më e mirë për të mbajtur shtëpinë tuaj të sigurt është që të përgatiteni.

Për të ndihmuar të gjithë ata që nuk duan të shkojnë me pushime e ta kenë mendjen prapa, ekspertët nga kompania e sigurimit “Blink” kanë ndarë këto këshilla:

1.Mos kyçni vetëm derën kryesore por sigurohuni që të gjithë opsionet hyrëse apo dalëse të shtëpisë suaj të jenë të siguruara

2.Kërkoni ndihmën e një fqinji, për të marrë postën tuaj apo të bëjë një kontroll të herëpashershëm të situatës rreth e qark shtëpisë

3.Rregullojeni të duket sikur është dikush në shtëpi

Teknologjia e avancuar në ditët e sotme ka bërë që ju të mund të ndizni dritat e shtëpisë suaj nëpërmjet telefonit nga kudo ndodheni. Një marifet i tillë do t’i mbante larg plaçkitësit pasi do të tregonte se është dikush në shtëpi.

4.Përpiquni të reklamoni sa më pak pushimet tuaja në rrjete sociale pasi nëse njerëzit kuptojnë se nuk jeni në shtëpi për një kohe të gjatë me siguri diçka e keqe mund t’i ndodhë shtëpisë suaj

5.Mos mbani para apo bizhuteri në shtëpi, nëse nuk përdorni bankën atëherë besojuani ato një familjari apo miku të afërt derisa ju të ktheheni

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.