Përdorimi i antibiotikëve pa kriter  – Greqia numëron mbi 1500 vdekje çdo vit

Me më shumë se 1 500 vdekje të raportuara çdo vit nga infeksionet e shkaktuara nga bakteret rezistente ndaj antibiotikëve, Greqia renditet e dyta pas Italisë midis vendeve të Bashkimit Europian që po përballen me një krizë shëndetësore.

Sipas ‘Ekathimerini’, të dhënat i referohen një sondazhi të zhvilluar nga Qendra Europiane për Parandalimin dhe Kontrollin e Sëmundjeve (ECDC).

Referuar statistikave të fundit, rreth 33 000 evropianë vdesin çdo vit për shkak të përdorimit të antibiotikëve.

Për më tepër, ekspertët paralajmërojnë se nëse nuk merren masa parandaluese për të frenuar përdorimin jo të duhur të antibiotikëve, norma vjetore e vdekjeve në Europë, Amerikën Veriore dhe Australi do të arrijë 2.4 milionë njerëz deri në vitin 2050.

Studimi zbuloi se 32 për qind e banorëve të BE-së kishin marrë antibiotikë në 12 muajt e fundit, 20 për qind për kurimin e ftohjes së zakonshme ose për grip. Ndërkohë, 7 për qind rezulton se kishin marrë këto medikamente parë recetë mjeku.

Më tej, sipas të dhënave 85 për qind e njerëzve u shprehën se ishin në dijeni të rreziqeve të përdorimit të antibiotikëve, ndërsa 70 për qind pranuar nuk pikërisht njohuritë mbi efektet anësore kanë bërë që të ndryshojnë mënyrën si ata përdorin këto medikamente.

Drejtoresha e ECDC Andrea Ammon tha se rezistenca e baktereve ndaj antibiotikëve nuk është vetëm një ‘taksë’ e rëndë në jetën e njeriut, por edhe në sistemet kombëtare të kujdesit shëndetësor të Europës, duke i kushtuar atyre rreth 1 miliardë euro në vit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.