Përfundojnë 3 tunelet e Qukës-Qafë Plloçë. Autoriteti Rrugor Shqiptar publikon fotot dhe informon për ecurinë e punimeve

Autoriteti Rrugor informon për ecurinë e punimeve në Qukës-Qafë Plloçë Loti 1, 2.

“Aktualisht kanë përfunduar gjithë punimet civile në tunelet 1, 2 dhe në tunelin 3 të daljes së emergjencës, përfshirë edhe lyerjen e tyre si dhe po punohet me ndërtimin e shtresave të stabilizantit, me qëllim asfaltimin e shpejtë të tuneleve dhe pjesës midis tyre. Po punohet mbi strukturën e urës 10 dhe vendosjen e trarëve metalike tek Ura 11” njofton Autoriteti ndërsa publikon edhe fotot përkatëse.

Ndërkohë, në kryqëzimin e Golikut vazhdojnë punimet për ndërtimin e strukturave dhe mbushja e trasesë .

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.