Përkeqësohen financat e Britanisë – Kontributi më i madh në BE rrit deficitin, borxhi publik në 75.2%

Deficiti buxhetor në Britani është rritur papritmas gjatë muajit Gusht, nxitur kryesisht nga pagesat më të larta drejt buxhetit të Bashkimit Europian.  Deficiti gjatë Gushtit arriti në 6.75 miliardë paund, krahasuar me 4.34 miliardë që ishte një vit më parë, sipas zyrës së Statistikave në Londër. Defiçiti për 5 muajt e parë të vitit financiar ra me 30.5% nga e njëjta periudhë një vit më parë, në 17.8 miliardë paund.

Ekonomia britanike është ngadalësuar ndërkohë që afron data e Brexit, por jo me përmasat që parashikohej gjatë referendumit. Defiçiti vetëm për muajin Gusht u përkeqësua nga rritja me 600 milionë paund e kontributeve në buxhetin e Bashkimit Europian. Zyra e Statistikave theksoi gjithashtu një rritje me 4% në pensionin shtetëror.

Kur paraardhësi i Hammond, George Osborne nisi programin e uljes së shpenzimeve në vitin 2010, deficiti i Britanisë qëndronte në 10% të PBB.   Këtë vit, hendeku pritet të bie në 2%, gjë që ka sjellë thirrje për Hammond që të shtojë shpenzimet. Hammond ka premtuar se kërkon të ulë borxhin publik në raport me PBB, për shkak se i heq mundësinë vendit që të përgjigjet ndaj goditjeve të ardhshme ekonomike. Borxhi publik neto, përjashtuar bankat e zotëruara nga shteti dhe programin e stimujve të Bankës së Anglisë, qëndroi në 1.59 trilionë paund të Gusht, ekuivalent me 75.2% të Produktit të Brendshëm Bruto.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.